Starfsfólk

VAGNBJÖRG MAGNÚSDÓTTIR

FÍKNIFRÆÐINGUR MA

Vagnbjörg Magnúsdóttir, lauk meistaragráðu í fíknifræðum frá Hazelden Betty Ford Graduate School of Addiction Studies í Minnesota árið 2018. Í náminu var meðal annars lögð áhersla á að greina með ítarlegum hætti fíknihegðun skjólstæðinga með DSM-5 til hliðsjónar sem og að skima fyrir áfallastreitu, þunglyndi, kvíða og öðrum geðröskunum með það fyrir sjónum að veita bestu mögulegu meðferð hjá viðurkenndum aðilum svo sem hjá sálfræðingum og geðlæknum til viðbótar við fíknifræðinga. Ásamt bóklegu námi í fíknifræðum var lögð rík áhersla á klíníska reynslu jafnhliða námi sem fór fram inni á Hazelden Betty Ford meðferðarstofnuninni. Vagnbjörg er einnig með B.Ed. próf í Grunnskóla-kennarafræði frá Háskóla Íslands. Vagnbjörg er annar tveggja stofnenda Vörðunnar sem var formlega opnuð 9. mars 2020. 

Vagnbjörg stundar nú meistaranám í Heilbrigðisvísindum með áherslu á sálræn áföll og ofbeldi og áfallamiðaða meðferð í Háskólanum á Akureyri. Í námi sínu leggur hún áherslu á að skilja tengslin milli áfalla, sér í lagi í bernsku, og fíknivanda síðar á ævinni. Telur hún að samspil sé þar á milli og að mikilvægt sé að auka þekk­ingu og dýpka skiln­ing á áhrifum áfalla í bernsku á fíknivanda. Brýnt er að skoða hvernig hægt er að mæta þessum einstaklingum með heildrænni áfallamiðaðri meðferðarnálgun.

Til viðbótar við námið hjá Háskólanum á Akureyri er Vagnbjörg í 200 klst. þjálfun í áfallameðferð sem kallast reynslumeðferðarnálgun í Bandaríkjunum hjá Judy Crane hjá The spirit2spirit og The Guesthouse Ocala. 

Vagna bíður upp á einstaklingsmeðferð, hópavinnu, námskeið, vinnustofur, fræðslu og fyrirlestra. 

Hægt er að hafa samband og fá nánari upplýsingar með því að hringja í síma 8448107, senda tölvupóst á vagna@vardan.is eða smella hér

BERGLIND ÓLAFSDÓTTIR

FJÖLSKYLDUFRÆÐINGUR MA

Berglind lauk Mastersgráðu í fjölskyldu- og hjónabandsfræðum frá Saint Mary’s University of Minnesota sumarið 2014. Í lokaritgerð sinni fjallaði Berglind um áhrif geð- og fíkniraskanna foreldra á börn þeirra. Meðfram námi í fjölskyldufræðum var Berglind í starfsþjálfun á unglingageðdeild Minneapolis Fairview Hospital. Þar öðlaðist hún þjálfun í að starfa með unglingum sem voru að fást við geð– og fíkniraskanir. Fljótlega eftir nám hélt hún áfram að starfa með unglingum á aldrinum 12-18 sem glímdu við ofangreindar raskanir hjá Options Family & Behavior Services sem Mental Health Practitioner. 

 

Berglind hefur sérhæft sig í aðferðarfræðum Gottman Institute, nánar tiltekið “The Seven Principles for Making Marriage Work.” Aðferðin byggir á vísindalegum og margreyndum aðferðum við að hjálpa hjónum að snúa við neikvæðu samskiptarmynstri og temja sér uppbyggilegar samskiptaleiðir sem styrkja hjónabandið og hjálpa hjónum að verða samstilltari. Berglind sérhæft sig í Couples and addiction hjá Gottman hjónunum, auk endurmenntunar í Sálrænum áföllum, ofbeldi og áfallamiðaðri meðferð. Berglind stundaði nám í dáleiðslu í Bandaríkjunum auk áfallamiðaðri meðferðarfræði hjá Bessel Van Der Kolk - The body keeps the score sem leggur áherslu á áfallakerfi líkamans. Berglind stundaði nám í fíknifræðum í Metropolitan State University frá 2011 til 2012. Berglind er auk þess með B.Ed frá Háskóla Ísland. 

 

Berglind hóf störf og er annar tveggja stofnanda Vörðunnar sem var formlega opnuð 9. mars 2020. 

 

Berglind bíður upp á einstaklingsmeðferð, fjölskyldu- og parameðferð, námskeið, fræðslu og fyrirlestra. 

Hægt er að hafa samband og fá nánari upplýsingar með því að hringja í síma 823-2359, senda tölvupóst á berglind@vardan.is eða smella hér

Heimilisfang

Snorrabraut 54

105 Reykjavík

s: 8448107

FYLGDU OKKUR Á FACEBOOK

© 2023 by Prickles & Co. Proudly created with Wix.com